آہ اے ناداں! شکارِ گردشِ دوراں ہے تو

تازہ بہ تازہ، سلسلہ 22

فضیل احمد ناصری

اہلِ عالم کے لیے تنویر کا ساماں ہے تو
خوفِ ظلمت کیا، کہ خود اک نیّرِتاباں ہےتو

چاک کر اپنا گریباں، جھولیاں اس کی بنا
بےسبب کیوں شکوہ سنجِ تنگئ داماں ہےتو

ڈال کر سارے وظائف مہدئ موعود پر
آہ اے ناداں! شکارِ گردشِ دوراں ہے تو

دل سیہ نقطوں کا مرکز، تن سراپا معصیت
ہے اگرمومن توپھرکیوں اسقدر ویراں ہےتو

چھوڑکرساقی گری رندوں کی صف میں جالگا
تجھ پہ صدافسوس آخرکسقدرناداں ہےتو

تیز تر کردے اگر اپنی نوائے شوق کو
بزمِ باطل کے لیے اک آتشِ سوزاں ہے تو

اے مسلماں کاش تو اپنی حقیقت جان لے
شورِطوفاں بھی ہےگراک گلشنِ خنداں ہےتو

نا امیدی چھوڑ! دل فاروقِ اعظمؓ سا بنا
سینۂ گیتی کے ہر اک درد کا درماں ہے تو

تو ہی بن جائیگا اکدن رفتہ رفتہ شاہِ مصر
ہم نے مانا آج کل اک یوسفِ کنعاں ہے تو